ഒന്നാം ഫൊറൻസിക് അദ്ധ്യായം | Onnam Forensic Adhyayam

(കുറ്റാന്വേഷണ നോവൽ)

അന്വേഷണ ഉദ്യോഗസ്ഥനെ ആശയക്കുഴപ്പത്തിലാക്കാനുതകുന്ന കുറെയേറെ സൂചനകൾ അവശേഷിപ്പിച്ചുകൊണ്ട് ഉജ്ജ്വല രാഷ്ട്രീയ ഭാവിയുള്ള ഒരു യുവനേതാവ് അപ്രത്യക്ഷനാകുന്നു. ഒരേസമയം ഡോക്ടറും രാഷ്ട്രീയ പ്രവർത്തകനുമായ സുജിത്തിന്റെ തിരോധാനം അന്വേഷിക്കാൻ എത്തുന്നത് അയാളുടെ സഹപാഠി ഡോക്ടർ അരുൺ ബാലൻ ഐ.പി.എസ് – ഡോക്ടർ ആയിരിക്കെ ഐ.പി.എസ് നേടിയ പ്രഗത്ഭനായ കുറ്റാന്വേഷകൻ. നാടിന്റെ പലഭാഗങ്ങളിലായി കാണപ്പെട്ട മനുഷ്യശരീര ഭാഗങ്ങളുടെ പിന്നിലുള്ള നിഗൂഢത അന്വേഷിച്ച അരുണിന് മുന്നിൽ ചുരുളഴിയുന്നത് പ്രണയവും പകയും രാഷ്ട്രീയ വൈരവും കെട്ടുപിണഞ്ഞ അതിവൈകാരികമായ ഒരു പ്രതികാരകഥയാണ്.