PUTHAN PULARI | പുത്തൻ പുലരി

“ദ എന്ന മുത്തച്ഛൻ ഫ്ളാറ്റിൽ അദ്ദേഹത്തിന്റെ മുറിയിൽ കട്ടിലിൽ ചമ്രംപടിഞ്ഞ് കണ്ണുകൾ അടച്ച് ഇരിക്കെയാണ് കുട്ടികൾ ചെന്നത്. വാതിൽ തുറന്നുകിടക്കുകയായിരുന്നു. ശബ്ദമൊന്നും ഉണ്ടാക്കാതിരിക്കാൻ അവർ ശ്രദ്ധിച്ചു. എങ്കിലും അവർ ചെന്നത് അദ്ദേഹം അറിഞ്ഞു, കണ്ണു തുറന്നു ചിരിച്ചു. അവരെ തന്റെ ഇരുവശവുമായി പിടിച്ചിരുത്തി ഒരു ചെറുപുഞ്ചിരിയോടെ ചോദിച്ചു: നിങ്ങൾക്ക് ആരോടെങ്കിലും വിരോധം ഉണ്ടോ?“

ജാനും ജിനും മുത്തച്ഛനും യാന്ത്രികലോകത്തിലെ വിചാരവികാരങ്ങളുമെല്ലാം അതീവഹൃദ്യമായി ബാലമനസ്സുകളെ അനുഭവിപ്പിക്കുന്ന കൊച്ചുനോവൽ. പ്രശസ്‌ത നോവലിസ്റ്റും കഥാകാരനുമായ സി. രാധാകൃഷ്‌ണന്റെ ഏറ്റവും പുതിയ ബാലസാഹിത്യകൃതി.