VELLIPPOO | വെള്ളിപ്പൂ

പ്രണയത്തിന് ഓരോ ഹൃദയത്തിലും ഓരോ രൂപവും ഭാവവുമാണ്. 19-ാം നൂറ്റാണ്ടിലും 20-ാം നൂറ്റാണ്ടിലുമായി രചിക്കപ്പെട്ട പ്രണയത്തിന്റെ വിവിധ ഭാവങ്ങളെ അന്വേഷിക്കുന്ന ശ്രദ്ധേയമായ അഞ്ച് ഇംഗ്ലീഷ് കഥകളുടെ മലയാള വിവർത്തനമാണ് ഈ സമാഹാരം.

പ്രായത്തിന്റെ അതിരുകൾ ചോദ്യം ചെയ്യുന്ന ‘ഒക്ടോബറും ജൂണും’; പ്രണയനഷ്ടത്തിലൂടെ തിരിച്ചറിവുകളുണ്ടാവുന്ന ‘ഒരു മണിക്കൂറിന്റെ കഥ’; പ്രണയത്തിലെ നിസ്വാർത്ഥത പ്രമേയമാവുന്ന ‘ശാശ്വത പ്രണയം’; ദയവും അസൂയയും തമ്മിലുള്ള സൂക്ഷ്മമായ സംഘർഷം തുറന്നുകാട്ടുന്ന ‘ഒരു കപ്പ് ചായ’; പ്രണയത്തിന്റെ കൺകെട്ട് വിദ്യയെന്തെന്ന് കാണിക്കുന്ന ‘പരമാനന്ദം’ എന്നിവയാണ് ആ കഥകൾ.

കാലത്തെ അതിജീവിച്ച ഈ കഥകൾ വായനക്ക് ശേഷവും മനസ്സിൽ ചലനങ്ങൾ സൃഷ്ടിക്കുകയും ആഴത്തിൽ ചിന്തിപ്പിക്കുകയും ചെയ്യുന്നു. വർഷങ്ങൾക്കിപ്പുറവും അവയെ പ്രസക്തമാക്കി നിർത്തുന്നത് ആ പ്രത്യേകതയാവാം.