CHITTILASSERIYILE CHOOLAM VILIKKAR | ചിറ്റിലശ്ശേരിയിലെ ചൂളംവിളിക്കാർ

രാത്രിയായി.. നരച്ച ഇരുട്ടിൽ പുകച്ചുരുളുകൾ വഴിതെറ്റിനിന്നു. ഹവിസിന്റെ ഗന്ധമലിഞ്ഞ ആ പുകച്ചുരുളുകളിൽ ശ്രീഹരി അമ്മാമ്മയുടെ രൂപം തേടിയലഞ്ഞു.. തലേന്നുവരെ നക്ഷത്രങ്ങൾ ചിരിച്ചുനിന്ന ആകാശം നരപിടിച്ച വെള്ളതുണി വലിച്ചുകെട്ടിയപോലെ വിളറിനിന്നു…”മലയാളത്തിന്റെ വിശ്വസഞ്ചരി ശ്രീ sk പൊറ്റക്കാടിന്റെ “ഒരു ദേശത്തിന്റെ കഥ”യ്ക്കൊപ്പം ചേർത്തുവെയ്ക്കാവുന്ന സന്തോഷ് നാരായണൻ എന്ന യുവ സാഹിത്യകാരന്റെ സർഗ്ഗവാസനയിലൂടെയുള്ള ഒരു അശ്വമേധം ആണ് “ചിറ്റിലശ്ശേരിയിലെ ചൂളം വിളിക്കാർ ” എന്ന ഈ നോവൽ.. ശ്രീഹരി എന്ന എട്ടാം ക്ലാസുകാരന്റെ കണ്ണിലൂടെ നമ്മളെ കാണിച്ചുതരുന്നത് ചിറ്റിലശേരി എന്ന ചെറു ഗ്രാമത്തിന്റെ എണ്ണിയാലോടുങ്ങാത്ത വ്യത്യസ്തമായ കഥാപാത്രങ്ങളുടെ പകർന്നാട്ടങ്ങളും ഒരു ഗ്രാമത്തിന്റെ വിശുദ്ധിയും പ്രകൃതിഭംഗിയും ബന്ധങ്ങളുടെ ഈഴയടുപ്പവും തീക്ഷണത്തയും പുരാതന മിത്തുകളും സങ്കൽപ്പങ്ങളും പകയും പ്രണയങ്ങളും ആചാരങ്ങളും കാർഷിക സമൃധിയും വേർപെടലുകളുടെ ആഴവും ഒക്കെ ചേർന്ന് ഒരു ക്ലാസ്സിക് ആണ് ഈ നോവൽ.. ഒന്ന് ഉറപ്പിക്കാം.. ഒരിറ്റു കണ്ണുനീർ വീഴ്ത്താതെ ഈ നോവൽ വായിച്ചു തീർക്കുക അസാധ്യം…

മലയാളത്തിൽ ദേശത്തിൻ്റെ കഥകൾ ഒരുപാടു വന്നിട്ടുണ്ട്. എത്രയേറെ വൈവിധ്യ മാർന്ന കഥാപാത്രങ്ങൾ. ഒന്നിനൊന്ന് വേറിട്ട സംഭാഷണരീതികൾ. വ്യത്യസ്തമായ ഭൂമികകൾ. എല്ലാം മലയാളികൾ പരിചയപ്പെട്ടത് അത്തരം കഥകളിലൂടെയും നോവ ലുകളിലൂടെയുമാണ്. എന്നാൽ അതിൽ നിന്നൊക്കെ ഏറെ വിഭിന്നമായ ദേശകഥാ ഖ്യാനമാണ് ചിറ്റിലശ്ശേരിയിലെ ചൂളംവിളിക്കാരിൽ കാണാനാവുക. ഇവിടെ പ്രകൃതി യാണ് മുഖ്യകഥാപാത്രം. മറ്റു കഥാപാത്രങ്ങളെല്ലാം ആ പ്രകൃതിയുടെ അംശങ്ങൾ മാത്രം. ഇതിലെ കഥാഗതിയെ നിശ്ചയിക്കുന്നതുപോലും പ്രകൃതിയുടെ മാറ്റങ്ങൾക്കനു സരിച്ചാണ്. ആചാരങ്ങളും അനുഷ്ഠാനങ്ങളും മിത്തുകളും നിറഞ്ഞ ആ മണ്ണിൽ അശാ ന്തിയുടെ വിത്തുകൾ പാകിയതാരാണ്? വെള്ളാട്ട് കുന്നും ചിറ്റിലശ്ശേരിപ്പുഴയും അതിരു കാക്കുന്ന ചിറ്റിലശ്ശേരിയ്ക്ക് പുതിയ വെല്ലുവിളികളെ അതിജീവിക്കാനുള്ള കരുത്തുണ്ടോ? അതോ എന്നന്നേക്കുമായി ചിറ്റിലശ്ശേരി ഈ ഭൂമുഖത്ത് നിന്ന് ഇല്ലാതാവുകയാണോ?

സന്തോഷ് ഒരു ദേശം നിർമ്മിക്കാൻ എടുത്തിട്ടുള്ള വസ്തുക്കൾ ഏതെന്ന് ഒറ്റനോട്ടത്തിൽ കണ്ടെത്താം. എന്നാൽ അവയെ പരസ്പരം ബന്ധിപ്പിക്കാൻ ഉപയോഗിച്ച രസക്കൂട്ടുകൾ വായനക്കാർക്ക് അഗോചരങ്ങളാണ്. വായനയുടെ സ്വാദ് എന്ന അനുഭവത്തിൽക്കൂടി അത് നിങ്ങൾക്ക് കിട്ടുമെങ്കിലും അവയെന്ത് എന്ന് നിങ്ങൾക്ക് കാണില്ല! ഭാവന അല്ലെ ങ്കിൽ കലയുടെ മാജിക്ക് അതാണ്. – കെ.വി.മണികണ്ഠൻ