CONTESSA – SAIRA MALAYALAM THRILLER NOVELS COMBO

കോണ്ടസ്സ
ഒരു വണ്ടിക്കഥയിലൂടെ പല ജീവിതങ്ങളിലെ യാഥാർത്ഥ്യങ്ങൾ തേടിയുള്ള ഒരു യാത്രയാണ് ഈ നോവൽ. ഒരത്തൻ ഈനാശു എന്ന വ്യവസായസാമ്രാജ്യത്തിൽനിന്ന് തുടങ്ങി വർഷങ്ങൾ നീണ്ട ഗാഢപ്രണയത്തിൻ്റെ മറ്റൊരു കഥയിലേക്കുള്ള സഞ്ചാരം. വിട്ടുപോയതെല്ലാം പൂരിപ്പിച്ച് ഫിലിപ്പും ജോഷ്യയും നടത്തുന്ന അന്വേഷണം വിരൽ ചൂണ്ടുന്നത് ചില പച്ചയായ ജീവിതങ്ങളിലേക്കാണ്. ഈ നോവലിലെ ഓരോ വസ്തുവിനും ഒരു കഥ പറയാനുണ്ട്… ആ കഥയ്ക്ക് പിന്നാലെ ഒരുപാട് ചോദ്യങ്ങളും…. അത്തരം അനേക ചോദ്യങ്ങൾക്കുള്ള ഒരു ഉത്തരം തേടൽ കൂടിയാണ് ഈ കഥ. പാൻ ഇന്ത്യൻ ജീവിത യാഥാർത്ഥ്യങ്ങളുടെ ഒരു നേർക്കാഴ്ച.

സൈറ
ജന്മാന്തരങ്ങളായി ഒരു വുഡു പാവയ്ക്കുള്ളിൽ ഉറങ്ങുന്ന ദുരാത്മാവ്. തൻ്റെ ഭൂതകാലത്തിൽ ചോര നിറച്ചവരോട് പുതിയകാലത്തിലൂടെ പ്രതികാരം ചെയ്യാൻ കാത്തിരിക്കുകയാണ് അത്. ഉദ്വേഗരചനയെ പിന്തുടരുന്ന പുതിയകാല എഴുത്തുകാരിൽ പ്രതീക്ഷ നൽകുന്ന അനുരാഗ് ഗോപിനാഥ് നിഗൂഡതയുടെയും ഭയത്തിന്റെയും പേടകത്തിനുള്ളിൽ ഈ കഥാതന്തുവിനെ അടച്ചുവച്ച് തുറക്കാൻ വായനക്കാരനോട് ആവശ്യപ്പെടുന്നു. നെഞ്ചിടിപ്പിന്റെ ഒരു മുഹൂർത്തമാണത് – ജി.ആർ ഇന്ദുഗോപൻ.