Hathyapuri | ഹത്യാപുരി

പുരി പശ്ചാത്തലമാകുന്ന നോവൽ. അവിടേക്കെത്തുന്ന ഫെലുദയെയും സംഘത്തെയും കാത്ത് ഒട്ടേറെ ദുരൂഹതകളുണ്ടായിരുന്നു. പണ്ഡിതനായ ഡി ജി സെന്നിന്റെ പുസ്തകശേഖരണത്തിൽ നിന്നും അമൂല്യ ഗ്രന്ഥങ്ങൾ കളവു ചെയ്യപ്പെടുന്നു. കടൽക്കരയിലെ ആളൊഴിഞ്ഞ വീട്ടിൽ കൊലപാതകങ്ങൾ അരങ്ങേറുന്നു. ഒപ്പം ചിലരുടെ തിരോധാനവും. അഴിക്കുംതോറും മുറുകുന്ന ആ കുരുക്കിലേക്കാണ് ഫെലുദയുടെ കടന്നുവരവ്. തന്റെ കുറ്റാന്വേഷണ ജീവിതത്തിലെ ഏറ്റവും വെല്ലുവിളി നിറഞ്ഞ ഈ കേസിനിടയിൽ ഒരുകൂട്ടം കഥാപാത്രങ്ങളും അദ്ദേഹത്തിന്റെ ജീവിതത്തിലേക്കെത്തുന്നു. അവരിലാരോ ഒരാൾ അല്ലെങ്കിൽ അവർക്കൊപ്പമുള്ള ഒരാൾ; അയാളെ തേടിയാണ് ഫെലുദയുടെ യാത്ര, ‘പുരി’ യെ ‘ഹത്യാപുരി’ യാക്കി മാറ്റിയ ആ കൊടുംകുറ്റവാളിയെത്തേടി! സാഹസികതയും അപ്രതീക്ഷിത മുഹൂർത്തങ്ങളും സസ്പെൻസും ഉൾച്ചേർന്നിരിക്കുന്ന, വായനക്കാരെ ആകാംക്ഷയുടെ മുള്‍മുനയില്‍ നിര്‍ത്തുന്ന ത്രില്ലറാണ് ‘ഹത്യാപുരി’.