വരയും വാക്കും | Varayum Vakkum

വരയുടെ കുലപതിയായ നമ്പൂതിരിയുമൊത്ത് വിജയകൃഷ്ണന്‍ നടത്തിയ സംഭാഷണങ്ങള്‍ ഒരു കാലഘട്ടത്തിന്റെ ആസ്വാദക ഹൃദയങ്ങളില്‍
പതിഞ്ഞ വരകളും അദ്ദേഹത്തിന്റെ വാക്കുകളും ശ്രേഷ്ഠമാണെന്ന് തെളിയിക്കുന്നു. ജീവിതത്തിന്റെ പൊതുധാരയില്‍നിന്നും ഇഴമുറിയാത്ത ഒരു ശ്രുതി ഈ സംഭാഷണങ്ങളെയെല്ലാം ബന്ധിപ്പിക്കുന്നുണ്ട്. സംഗീതത്തെ ഇഷ്ടപ്പെട്ട നമ്പൂതിരി, കഥകളിയില്‍ ഭ്രമിച്ച നമ്പൂതിരി, എഴുത്തുകാരുടെ ഭാവുകത്വങ്ങളെ തൊട്ടറിഞ്ഞ നമ്പൂതിരി. ഇങ്ങനെ ആര്‍ട്ടിസ്റ്റു നമ്പൂതിരിയില്‍ പകര്‍ന്നാടുന്ന അനേകം ‘നമ്പൂതിരി’കളെ വിജയകൃഷ്ണന്റെ ഈ സംഭാഷണങ്ങളില്‍ നിന്നും അനുഭവിക്കാം. നമ്പൂതിരി കറുപ്പിലും വെളുപ്പിലും വരച്ചെടുക്കുമ്പോള്‍ വര്‍ണങ്ങളുടെ അതിബാഹുല്യമില്ലാതെതന്നെ താന്‍ അനുഭവിച്ചറിഞ്ഞതെല്ലാം അതിന്റെ വൈവിദ്ധ്യത്തോടെ പകര്‍ത്തപ്പെടുകയാണ്. വര സംഗീതമാകുന്നതും ആത്മാവിലേക്ക് പൊഴിയുന്ന നിര്‍വൃതിയാകുന്നതും ഇവിടെ നാം അറിയുന്നു.