Manusmrithi | മനുസ്മൃതി

ഭാരതത്തിൻ്റെ വൈവിദ്ധ്യമാർന്ന സാംസ്‌കാരിക പൈതൃകത്തിൽ ജീവിതമൂല്യങ്ങളെ സംബന്ധിച്ചും സാമൂഹ്യാചാരങ്ങളെ സംബന്ധിച്ചും ആധികാരിക ഗ്രന്ഥമായി നൂററാണ്ടുകൾ വാണ മനുസ്‌മൃതിയുടെ ചരിത്രപരമായ പ്രാധാന്യം അവിതർക്കിതമാണ്. ഹൈന്ദവ ജീവിതചര്യകളെ അതു തെല്ലൊന്നുമല്ല സ്വാധീനിച്ചത്. ആധുനിക ജനാധിപത്യ സോഷ്യലിസ്‌ററ് തത്വശാസ്ത്രങ്ങൾ ഉൾക്കൊണ്ട് പുതുതലമുറയ്ക്ക് മനുസ്മൃതിയിലെ പല ആശയങ്ങളും കാഴ്‌ചപ്പാടുകളും ഉൾക്കൊള്ളുവാനോ അംഗീകരിക്കുവാനോ കഴിയില്ല എങ്കിലും ഭാരതത്തിൻ്റെ സംസ്കൃതിയും പ്രാചീനചരിത്രവും ശരിയായി മനസ്സിലാക്കുവാൻ മനുസ്‌മൃതിയിലെ തത്വശാസ്ത്രം എന്തെന്നറിയേണ്ടത് അനുപേക്ഷണീയമാണ്.